Umbreyting með lógariþma 10 er gagnlegt að gera þegar dreifing er jákvætt skekkt. Þá er spurt hvaða veldistölu þarf 10 að taka til þess að út komi tiltekin tala. Þannig er lógariþminn af 10=1, 100=2 og 1000=3. Samkvæmt þessu er bilið á milli 10 og 100 jafn langt og bilið á milli 100 og 1000. Það þýðir að tölurnar sem eru hægra megin í dreifingunni þjappast meira saman en þær tölur sem eru vinstra megin. Á myndunum fyrir neðan má sjá dæmi um umbreytingu með lógariþma. Efri myndin sýnir dreifingu fyrir umbreytingu en neðri myndin eftir umbreytingu. Takið eftir frávillingunum á efri myndinni sem eru ekki lengur til staðar á neðri myndinni.

© 2003 Gunnar Karl Karlsson