Kennarar

Guðmundur B. Arnkelsson

Stoðkennarar: Inga Dröfn Wessman, Steinunn Anna Sigurjónsdóttir og Bergljót Gyða Guðmundsdóttir

Kennsla

Mánudagar kl. 10⁰⁰–12²⁰ í sal 3 í Háskólabíói.

Stoðtímar: Að jafnaði á föstudögum kl. 13²⁰ í stofu 103 á Háskólatorgi, sjá nánar í dagskrá fyrirlestra.

Lesefni

Kline, P. (1994). An easy guide to factor analysis. New York: Routledge.  

Moore, D.S. og McCabe, G.P. (2007). Introduction to the practice of statistics (6. útgáfa). New York: Freeman.  

Annað lesefni kann að vera tilkynnt síðar.

Þjálfunarkröfur

Þú þarft að ljúka eftirfarandi verkefnum. Þeim er ætlað að auka færni þína og koma því ekki til einkunna. Ef þú lýkur ekki þjálfunarverkefni eða vandvirkni er áfátt, kemur til lækkunar á námskeiðseinkunn.

• Fjögur skilaverkefni eru í námskeiðinu og þarf að skila þeim öllum vel unnum og á réttum tíma. Mest mega tveir nemendur vera um hvert skilaverkefni. Athugaðu: Þú mátt aðeins vinna skilaverkefni tvisvar með sama nemanda. Verkefnum skal skilað á APA-formi, þ.e. með Inngangi, Aðferð, Niðurstöðum og Umræðu.

Námsmat

Námskeiðseinkunn ræðst af frammistöðu í heimaprófi og lokaprófi að teknu tilliti til stiga vegna þjálfunarkrafna.

• Eitt heimapróf á misserinu sem nemandi skal vinna einn og sjálfstætt. Einkunn fyrir það vegur 20% í lokaeinkunn námskeiðsins.
• Lokapróf á próftímabilinu. Einkunn fyrir það vegur 80% af lokaeinkunn námskeiðsins.

Þjálfunarverkefni eru ekki metin til einkunna. Það er hins vegar skylda að ljúka þeim á tilsettum tíma. Ef misbrestur verður á því, koma til eftirfarandi viðurlög:

• Fyrir hvert skilaverkefni sem ekki er skilað innan tímamarka koma 5 refsistig.
• Fyrir hvert skilaverkefni sem ekki er nægjanlega vandað að mati stoðkennara koma 1–3 refsistig.

Einnig er mögulegt að fá fyrir plússtig fyrir skilaverkefni.

• Fyrir óvenjuvel gerð og vönduð skilaverkefni er gefið 1 plússtig.

Námskeiðseinkunn ræðst af veginni meðaleinkunn heimaprófs og lokaprófs. Frá þeirri einkunn dregst 1⁄10 af fjölda refsistiga eftir leiðréttingu vegna plússtiga. Lokaeinkunn námskeiðsins lækkar þó aldrei meira en sem nemur einum heilum vegna refsistiga.

Fyrning verkefna

Meginregla námskeiðsins er að einkunnir fyrir skilaverkefni og heimapróf fyrnast þegar námskeið hefst að nýju. Nemendum er engu að síður heimilt að nota eldri höfundarverk sín við úrlausn nýrra verkefna í námskeiðinu. Hagnýting á höfundarverki annarra eða önnur óheiðarleg akademísk vinnubrögð eru eftir sem áður óheimil.

Skilaverkefni breytast á milli ára, eftir atvikum lítillega eða í grundvallaratriðum. Sérstaklega breytast gagnaskrár gjarnan á milli ára. Það er á ábyrgð nemenda að gaumgæfa slíkar breytingar og byggja úrlausnir ekki á eldri verkefnislýsingum eða gögnum.

Fyrirvarar

Allar upplýsingar eru veittar með venjulegum fyrirvara. Dagskrá, námsmat og aðrir þættir námskeiðsins geta breyst þegar líður á veturinn. Upplýsingunum er þó ætlað að gefa skýra og sem réttasta mynd af námskeiðinu í þeim tilgangi að auðvelda þér námið.

Ýmis mikilvæg atriði eru tilkynnt munnlega í kennslustund. Við gerum ráð fyrir að nemendur mæti í allar kennslustundir eða leiti upplýsinga hjá samnemendum.

Dagskrá fyrirlestra

© 2004–2009 Guðmundur B. Arnkelsson (Síðast breytt 14. nóvember 2009)