Vefreiknarnir sem eru hér fyrir neðan hafa verið skoðaðir og virðast reikna rétt; þó er engin ábyrgð tekin á
niðurstöðunum. Ekki nota aðra vefreikna nema að ganga fyrst úr skugga um að þeir virki rétt. Lestu vel
athugasemdir sem stundum gefa mikilvægar upplýsingar.
Áður en þú notar vefreikni í fyrsta sinn þarftu að prófa hann á dæmi úr bókinni til að ganga úr skugga um að
þú kunnir að nota hann. Athugaðu einnig að sumir miðast við tvíhliða próf, aðrir við einhliða próf og stöku
reiknar gefa kost á því að velja núlltilgátuna sem prófuð er.
Tölfræðiforrit
- Crunch It!
- Forrit sem fylgir bókinni. Hér fæst beinn aðgangur, þ.e. án þess að fara í gegnum geisladiskapakkan sem fylgir bókinni.
- WebStat 3.0
- Eldri útgáfa af Crunch It undir öðru nafni.
Öryggisbil hlutfalla
Normalkúrfunálgun
Þessi aðferð er notuð þegar úrtak er stórt og hlutfallið ekki mjög nálægt 0,0 eða 1,0. Algengt en skeikult viðmið
er að fjöldinn í minni hópnum megi ekki fara undir 5 (stundum er þó miðað við 10).
- James W. Hardin: Öryggisbil hlutfalls
- Tveir takkar eiga að birtast, sá efri er auðkenndur með „Compute CI.“
Þú smellir á þennan takka til að byrja. Ef takkarnir birtast ekki, þarftu að setja upp
Java. Í glugganum sem birtist seturðu inn úrtaksstærðina og hlutfallið.
Síðan dregurðu stikuna til þar til hún sýnir 95% og smellir á takkann með
„Compute CI.“
Breytt Wald-próf (M&M nefna þetta: Wilson estimate)
Þetta er aðferðin sem Moore & McCabe mæla með.
- GraphPad: Öryggisbil hlutfalla
- Notaðu efri valkostinn á síðunni, þar sem segir „Confidence interval
of a proportion.“ Settu inn fjöldann í öðrum hópnum (numerator)
og heildarfjölda (denominator) og smelltu síðan á
„Compute CI.“ Á síðunni sem þá birtist notarðu niðurstöðurnar
sem eru ofar á síðunni þar sem segir „Confidence intervals by modified
Wald method.“
Score aðferð Wilsons
Þetta er nákvæmari aðferð heldur en breytt Wald-próf. Báðar aðferðir gefa svipaðar
niðurstöður en breytta Wald-prófið er einfaldara.
- Vassar Stats: Confidence Interval of a Proportion
- Settu inn fjöldann í öðrum hópnum (k) og heildarfjölda (n) og smelltu síðan á
„Calculate.“ Niðurstöðurnar birtast í textareitunum fyrir neðan.
Veldu þær sem birtast þar sem stendur „no continuity correction.“
- Vassar Stats: Confidence Interval for the Difference Between Two Independent Proportions
Þessa aðferð máttu aðeins nota ef hlutföllin eru óháð! Í því felst yfirleitt að hlutföllin séu
reiknuð hvort í sínum hópnum. Dæmi um ranga notkun væri t.d. ef við bærum hlutfall þeirra sem segjast
munu kjósa Vöku saman við þá sem ætla að kjósa Röskvu; það liggur væntanlega í augum uppi að því fleiri sem
kjósa Vöku því færri að jafnaði munu kjósa Röskvu. Þetta væru ekki óháð hlutföll enda eru þau reiknuð í sama hópnum.
Gættu þess að setja hópinn með hærra hlutfallið inn í vinstra dálki og þann með lægra hlutfallið í hægri dálkinn.
Settu fjöldann sem er talinn í efri reitinn (k) og heildarfjöldann (n) í neðri reitinn
og smelltu síðan á „Calculate.“ Niðurstöðurnar birtast í textareitunum fyrir neðan.
Veldu þær sem birtast þar sem stendur „no continuity correction.“
Marktekt
Einhliða próf á meðaltal
- Marktektarforritlingur á heimasvæði
kennslubókar
t-próf í einum hópi
- GraphPad: t-próf í einum hópi
- Vadum Rankin: t-prófsreiknir fyrir einn hóp
t-próf í tveimur óháðum hópum
- Reikna t-próf (UCLA Department of Statistics)
- Ekki nota þennan vefreikni fyrir parað t-próf, þar sem hann virðist gefa kolranga niðustöðu.
- Vefreikninn má nota hvort sem gert er ráð fyrir ólíkum eða sömu staðalfrávikum í þýði. Ef gert er ráð fyrir
ólíkum staðalfrávikum er hakað við viðeigandi núlltilgátu undir Look Up hjá Independent Samples. Ef gert er
ráð fyrir einu sameiginlegu staðalfráviki í þýði er hakað við viðeigandi núlltilgátu hjá Equal Variance.
- Vadum Rankin: t-prófsreiknir fyrir tvo óháða hópa (sömu staðalfrávik í þýði)
Parað t-próf
- GraphPad: Reikna parað t-próf
Wilcoxon Mann-Whitney
- Reikna Wilcoxon Mann-Whitney próf (IFA)
- Þú þarft að setja hrágögnin inn, hvorn hóp í sinn dálk. Vefreiknirinn gefur tvíhliða marktekt.
Hún er nákvæm ef hvorugur hópastærðin er meiri en 10 og ekki báðar meiri en 7. Annars er notuð normalnálgun.
- Fletta upp nákvæmu vendigildi fyrir Wilcoxon Mann-Whitney próf
- Þú velur rétta línu og réttan dálk í samræmi við fjölda hvors hóps fyrir sig (hópastærðir eru
táknaðar með m og n). Síðan velurðu efri línuna af tveimur ef α= 0,05 en
þá neðri ef α= 0,01. Talan sem er gefin upp er summa raðtalna í hópum sem hefur lægri summu.
- Nákvæm vendigildi fyrir WMW: Einhliða og tvíhliða (SOCR) Nýtt 04.02.08
- Þú færð eina töflu fyrir neðri mörkin og aðra fyrir efri mörkin. Þú velur rétta línu og dálk miðað við fjöldann í
hvorum hópi. Þú flettir lægri summunni upp fyrir neðri halann og hærri summunni fyrir efri halann. Í tvíhliða prófi
flettir þú upp annarri summunni og tvöfaldar p-gildið eða flettir þeim upp báðum og leggur saman
p-gildin.
Tvö óháð hlutföll
- Prófa mun tveggja óháðra hlutfalla (VasserStat)
- Þú setur inn fjöldann sem er talinn í hvorum hópi (ka og kb) og heildarfjöldann
í hvorum hópi. Síðan ýtirðu á Calculate. Vefreiknirinn notar normalnálgun og er því ónákvæmur ef
fjöldinn í minnsta hópnum er lítill eða hlutföllin nálægt 0,0 eða 1,0.
© 2005–2008 Guðmundur B. Arnkelsson (Síðast breytt: 2. febrúar 2009)