Þetta eru DRÖG sem gætu átt eftir að breytast á næstu dögum!

Kennarar

Guðmundur B. Arnkelsson
Anton Örn Karlsson

Stoðkennarar: Tilkynntir síðar.

Kennsla

Mánudagar kl. 13²⁰ – 14⁵⁰ í stofu 105 á Háskólatorgi.

Þriðjudagar kl. 11⁴⁰ – 13¹⁰ í stofu 105 á Háskólatorgi.

Stoðtímar: Fyrirkomulag og tímasetningar tilkynnt síðar.

Lesefni

Moore, D.S., McCabe, G.P., & Craig, B. (2017). Introduction to the practice of statistics (9. útgáfa). New York: Freeman.  

Vísað verður á frekara námsefni, t.d. á vefnum, eftir hentugleika.

Kennsla og verkefni námskeiðsins miðast við uppgefna útgáfu kennslubókar. Mögulega má nýta sér aðrar nýlegar útgáfur bókarinnar en slíkt er þó alfarið á ábyrgð viðkomandi nemanda.

Þjálfunarkröfur

Þú þarft að ljúka eftirfarandi verkefnum með viðunandi árangri til að ljúka námskeiðinu.

• Þrjú skilaverkefni eru í námskeiðinu og þarf að skila þeim öllum vel unnum og á réttum tíma. Tveir nemendur eru um hvert skilaverkefni. Athugaðu: Þú mátt aðeins vinna skilaverkefni tvisvar með sama nemanda. Verkefnum er skilað á APA-formi, þ.e. með Inngangi, Aðferð, Niðurstöðum og Umræðu.
• Þrír dæmatímar eru á misserinu. Í tengslum við þá þarf að skila reiknuðum dæmum eða öðrum verkefnum.

Skilaverkefnum skilar þú í TurnitIn kerfi Háskólans þar sem þau eru borin saman hvert við annað, við verkefni fyrri ára, ýmis konar efni á vefnum og annað uppsafnað efni. Auk þess skilar þú þeim á pappír til yfirferðar.

Námsmat

Námskeiðseinkunn ræðst af frammistöðu í dæmatímum, skilaverkefnum og lokaprófi.

• Frammistaða í tengslum við dæmatíma námskeiðsins sem vegur samtals 15% í lokaeinkunn námskeiðsins.
• Frammistaða við þrjú skilaverkefni misserisins sem vega samtals 30% í lokaeinkunn námskeiðsins.
• Lokapróf á próftímabilinu. Einkunn fyrir það vegur 55% af lokaeinkunn námskeiðsins.

Við mat á skilaverkefnum er sérstaklega litið til þess hversu sjálfstæður texti úrlausnarinnar er gagnvart öðrum verkefnum, glærum námskeiðsins, kennsluefni sem er lagt fram, texta á vefnum eða netinu og öðrum slíkum textum. Umtalsverð skörun við aðra texta hefur áhrif á þá hámarkseinkunn sem verkefni getur fengið auk þess sem lítil skörun verður til þess að einkunn viðkomandi úrlausnar hækkar lítillega. Sjá nánari umfjöllun í kennslustund.

Gerðar eru stigvaxandi kröfur til úrlausna á skilaverkefnum. Þeir sem mæta þeim fá það metið til einkunna skv. reglum sem skýrðar verða í kennslustund. Nánari útlistun á þessum grunnkröfum verða útskýrðar í kennslustund fyrir hvert skilaverkefnis fyrir sig.

Eldri verkefni

Meginregla námskeiðsins er að einkunnir fyrir skilaverkefni og önnur verkefni á kennslutímabilinu fyrnast þegar námskeið hefst að nýju. Nemendum er engu að síður heimilt að nýta eldri höfundarverk sín við úrlausn nýrra verkefna í námskeiðinu. Ef eldra verk hefur verið unnið með öðrum nemanda, ber að breyta orðalagi og framsetningu í þeim mæli að ekki fari milli mála að niðurstaðan sé eigið höfundarverk. Í öllum tilvikum þarf að tilgreina á forsíðu uppruna og tilurð verkefnisins.

Skilaverkefni breytast á milli ára, eftir atvikum lítillega eða í grundvallaratriðum. Sérstaklega breytast gagnaskrár gjarnan á milli ára. Það er á ábyrgð nemenda að gaumgæfa slíkar breytingar og byggja úrlausnir ekki á eldri verkefnislýsingum eða gögnum.

Vinnubrögð og heilindi

Hagnýting á höfundarverki annarra eða önnur óheiðarleg eða óviðeigandi akademísk vinnubrögð eru óheimil. Sérstaklega er bent á 4. mgr. 54. gr. Reglna fyrir Háskóla Íslands nr. 569/2009 og viðurlög skv. 2. og 3. mgr. 51.gr. sömu laga.

Fyrirvarar

Allar upplýsingar eru veittar með venjulegum fyrirvara. Dagskrá, námsmat og aðrir þættir námskeiðsins geta breyst þegar líður á veturinn. Upplýsingunum er þó ætlað að gefa skýra og sem réttasta mynd af námskeiðinu í þeim tilgangi að auðvelda þér námið.

Ýmis mikilvæg atriði eru tilkynnt munnlega í kennslustund. Við gerum ráð fyrir að nemendur mæti í allar kennslustundir eða leiti upplýsinga hjá samnemendum.

Dagskrá fyrirlestra

Eftirfarandi eru drög að dagskrá sem gætu átt eftir að taka einhverjum breytingum.

MMC: Moore, McCabe & Craig

© 2019 Guðmundur B. Arnkelsson (Síðast breytt: 15. jan. 2019)