Dreifigreining er tölfræðiaðferð og við fyrstu sýn virðist hugtakið dreifigreining ekki tengjast tilgangi aðferðarinnar, það er að bera saman meðaltöl tveggja eða fleiri hópa og athuga hvort marktækur munur er á milli þeirra. En hugtakið er tilkomið þannig að í dreifigreiningu er verið að bera saman (eða greina) dreifingu (variance).

Í dreifigreiningu er verið að athuga hvort munur er á meðaltölum. Það er gert með því að greina dreifinguna, það er með því að skipta heildardreifingunni í skýrða dreifingu (millihópadreifing) og óskýrða dreifingu (innanhópadreifing). En dreifing er skilgreind sem kvaðratsumma frávika (sum of squares) milli hópa og kvaðratsumma frávika innan hópa. F-prófið metur hlutfallið á milli millihópadreifingu og innanhópadreifingu og segir til um hvort munur á meðaltölum er marktækur eða ekki.

© 2003 Sigurlaug María Jónsdóttir