Cohens d er kvarði fyrir hversu marktækur munur er á tveimur könnunum eða rannsóknum. Þessi kvarði byggir á staðalfrávikum, og er samanburður paraðra meðaltalna. Cohens d er staðlaður mælikvarði á áhrif milli tveggja hópa. Eins og sést á mynd 1. þá byggir útreikningur á Cohens d á m1 og m2 sem eru meðaltöl tveggja hópa og síðan er deilt í með þýðisbreytu s.

Mynd 1. Formúla fyrir Cohens d.

Með því að nota Cohens d þá stöðlum við muninn á milli hópanna sem gerir allan samanburð einfaldari. Ef við viljum fá staðlaðan samanburð milli einstakra para meðaltalna, fæst hann með þessari mælitölu. Cohens d gefur okkur viðmið um hvað er talið vera lítil, miðlungs eða stór áhrifastærð og það skilgreinir litil, miðlungs og mikil áhrif. Auk þess má miða við umfang skörunar eða líkindi þess að mæligildi úr öðrum hópnum sé hærra en gildi úr hinum. Cohen flokkaði þetta niður í lítil (d=0,2), miðlungs (d=0,5) og mikil (d=0,8) áhrif, sem getur verið gagnlegt viðmið, en ber þó ekki að leggja mikið upp úr.

© 2003 Sigþrúður Erla Arnardóttir