Aðferðafræði II 10.05.03


Fréttir og tilkynningar

11.09.04

Sýning á sumarprófi verður næstkomandi þriðjudag, 14. sept. nk.

Vinsamlega sendu skeyti með Re: Prófsýning í efnistitli (subject) á gudmuarn hjá hi.is og tilkynntu þátttöku ef þú vilt mæta í prófsýningu í Aðferðarfræði II. Ég mun þá boða þig ásamt nokkrum öðrum nemendum á tiltekin stað og á tilteknum tíma. Ekki koma óboðuð.

Ég fyrirhuga prófsýninguna síðdegis næsta þriðjudaginn, 14. september nk. Við byrjum um kl. 15:00. Láttu vita um allar tímasetningar sem henta þér þetta síðdegi svo ég geti sett þig á hentugan tíma.

Ég mun senda þér nánari upplýsingar um stað og tíma þegar ég veit hve margir hafa hug á að koma og hvaða tímar henta hverjum og einum.

Ef þú tilkynnir þátttöku ekki síðar en fyrir hádegi næsta mánudag, mun ég senda þér boðun síðdegis þann dag. Þeir sem tilkynna sig síðar fá hugsanlega ekki boðun fyrr en á þriðjudagsmorgni. Fylgstu vel með tölvupósti.

Prófsýningin er aðallega til að fólk geti áttað sig á prófúrlausnum sínum og hvernig einkunn er tilkomin.

Prófsýning leiðir sjaldnast til breytinga á námsmati og tæpast til hækkunar á lokaeinkunn námskeiðs (t.d. úr 4,73 upp í 4,75).

Kveðja og bestu þakkir fyrir samstarfið,
Guðmundur

03.05.04

Prófsýning í Aðferðafræði II í Aðferðafræði II

Vinsamlega sendu skeyti með Re: Prófsýning í efnistitli (subject) á gudmuarn hjá hi.is og tilkynntu þátttöku ef þú vilt mæta í prófsýningu í Aðferðarfræði II. Ég mun þá boða þig ásamt nokkrum öðrum nemendum á tiltekin stað og á tilteknum tíma. Ekki koma óboðuð.

Ég fyrirhuga prófsýninguna síðdegis næsta þriðjudaginn, 8. júní nk. Við byrjum kl. 15:00. Láttu vita um allar tímasetningar sem henta þér þetta síðdegi svo ég geti sett þig á hentugan tíma.

Ég mun senda þér nánari upplýsingar um stað og tíma þegar ég veit hve margir hafa hug á að koma og hvaða tímar henta hverjum og einum.

Ef þú tilkynnir þátttöku ekki síðar en fyrir hádegi næsta mánudag, mun ég senda þér boðun síðdegis þann dag. Þeir sem tilkynna sig síðar fá hugsanlega ekki boðun fyrr en á þriðjudagsmorgni. Fylgstu vel með tölvupósti.

Prófsýningin er aðallega til að fólk geti áttað sig á prófúrlausnum sínum og hvernig einkunn er tilkomin.

Prófsýningin er aðallega til að fólk geti áttað sig á prófúrlausnum sínum og hvernig einkunn er tilkomin.

Prófsýning leiðir sjaldnast til breytinga á námsmati og tæpast til hækkunar á lokaeinkunn námskeiðs (t.d. úr 4,73 upp í 4,75).

Kveðja og bestu þakkir fyrir veturinn,
Guðmundur

03.05.04

Einkunnir í sjúkraprófi eru komnar og hafa bæst við lista yfir tölvuprófseinkunnir á korktöflu fyrir framan deildarskrifstofu í Odda.

29.04.04

Einkunnir í sjálfsnámi hafa bæst við lista yfir tölvuprófseinkunnir á korktöflu fyrir framan deildarskrifstofu í Odda.

26.04.04

Lýsing á lokaprófinu er komin á vefinn. Smelltu á Próflýsing lokaprófs undir Almennt í vinstri valreit heimasíðu.

15.04.04

Tölvuprófseinkunnir eru komnar á korktöflu fyrir framan deildarskrifstofu í Odda.

14.04.04

Prófsýning í Aðferðafræði II verður næstkomandi föstudag, 16. apríl..

Vinsamlega mættu á þeim þeim tíma sem þér er ætlaður skv. neðangreindu yfirliti í stofu 301 í Árnagarði.

Nafn nemandaTímasetning
Agnes - Elín15:00
Elísa - Gylfi15:20
Hafdís - Ísleifur15:40
Jakob - Logi16:00
Magnea - Sigurveig16:20
Soffía - Þórunn16:40

Ef getur ekki mætt á þeim tíma sem þér er ætlaður—sökum kennslustunda í öðrum námskeiðum eða vegna annarra réttmætra ástæðna—vinsamlega mættu þá í einhvern af hinum tímunum.

Prófsýningin er til að fólk geti áttað sig á prófúrlausnum sínum og hvernig einkunn er tilkomin. Prófsýning leiðir sjaldnast til breytinga á námsmati og tæpast til hækkunar á lokaeinkunn námskeiðs (t.d. úr 4,5 upp í 5,0).

13.04.04

Kennslu er lokið í Aðferðafræði II.

Sjúkrapróf vegna tölvuprófa verður haldið síðar í apríl. Vinsamlega hafðu samband ef þú hefur verið veik í prófvikunni eða hefur aðrar ástæður sem við metum gildar.

06.04.04

Einkunnir í hlutaprófi II eru komnar og hanga uppi á korktöflu fyrir framan deildarskrifstofuna í Odda.

Athugaðu vel að einkunnirnar þínar koma fyrir á tveimur stöðum: Fyrst færðu sundurliðun fyrir dæma- og efnisspurningahlutana en síðan kemur á öðru blaði sundurliðun fyrir hvort dæmi fyrir sig. Ekki ruglast: Lestu leiðbeiningarnar vel!

16.03.04

Breyting á tímasetningu stoðtíma: Stoðtími sem átti að vera kl. 12:20 fimmtudaginn 18. mars hefur verið færður til kl 17:00 í stofu 301 í Árnagarði. Hann verður semsé ekki í hádeginu á fimmtudag heldur kl. 17 þann sama dag.

14.03.04

Námsáætlun í þriðja þriðjungi hefur verið uppfærð. Sjá Námsáætlun undir Þriðja þriðjungi í vinstri valreit á vefsíðu námskeiðsins.

12.03.04

Próflýsing fyrir seinna hlutaprófið er komin á vefinn. Sjá Próflýsingu undir Öðrum þriðjungi í vinstri valreit á vefsíðu námskeiðsins.

04.03.04

Prófsýning verður á morgun föstudaginn 5. mars nk.

Vinsamlega mættu í stofu 201 í Árnagarði á þeim þeim tíma sem þér er ætlaður skv. neðangreindu yfirliti

Nafn nemandaTímasetning
Agnes - Elín15:00
Elísa - Gylfi15:20
Hafdís - Ísleifur15:40
Jakob - Logi16:00
Magnea - Sigurveig16:20
Soffía - Þórunn16:40

Ef getur ekki mætt á þeim tíma sem þér er ætlaður, t.d. sökum þess að þú ert í tölvutíma á sama tíma eða vegna annarra réttmætra ástæðna, vinsamlega mættu þá í einhvern af hinum tímunum.

Prófsýningin er til að fólk geti áttað sig á prófúrlausnum sínum og hvernig einkunn er tilkomin. Prófsýning leiðir sjaldnast til breytinga á námsmati og tæpast til hækkunar á lokaeinkunn námskeiðs (þ.e. t.d. úr 4,5 upp í 5,0).

03.03.04

Niðustöður úr hlutaprófi I eru komnar og hanga uppi á korktöflu fyrir framan deildarskrifstofuna í Odda. Athugaðu vel að einkunnirnar þínar koma fyrir á tveimur stöðum: Fyrst færðu sundurliðun fyrir dæma- og efnisspurningahlutana en síðan kemur aftar sundurliðun fyrir hvort dæmi fyrir sig. Ekki ruglast: Lestu leiðbeiningarnar vel!

18.02.04

Listi yfir nemendur í tölvukennslu er kominn á vefinn. Skoðaðu hann til að sjá í hvaða tölvutíma þú átt að mæta. Listinn er í hægri valreit undir Tölvukennslu.

Lesefnispakki fyrir annan þriðjung er tilbúinn til sölu hjá Hákólafjölritun. Háskólafjölritun er á horni Suðurgötu og Fálkagötu (Kort).

16.02.04

Námsáætlun í öðrum þriðjungi hefur verið uppfærð.

Tölvukennsla er hafin. Mættu í þann tíma sem þú hefur skráð þig í.

11.02.04

Spurt og svarað í fyrsta þriðjungi hefur verið lítillega leiðrétt. Það vantaði síðari helming bókamerkjanna og því ekki jafn greiður aðgangur að fyrirspurnum um tá og lambda eins og til var ætlast.

09.02.04

Myndrænt yfirlit yfir tímasetningar tölvutíma er aðgengilegt á vefnum.

08.02.04

Próflýsing fyrir fyrra hlutaprófið er komin á vefinn. Sjá Próflýsingu undir Fyrsta þriðjungi í vinstri valreit á vefsíðu námskeiðsins.

07.01.04

Skráning í tölvutíma fer fram í kennslustund á þriðjudaginn kemur, 10. febrúar nk.

Myndrænt yfirlit sem sýnir tímasetningar fyrirlestra, stoðtíma og tölvukennslu er komið á vefinn. Smelltu á Myndrænt yfirlit undir Almennt efst í vinstri valreit.

Skráning í hlutaprófið þ. 14. febrúar nk. stendur yfir í Vefkerfi Háskóla Íslands.

28.01.04

Lítilsháttar leiðrétting á milliniðurstöðu hefur verið færð inn á Útreikninga í Hlutfylgni.

21.01.04

Nákvæmt tímaplan fyrir stoðtíma er komið inn á vefinn. Smelltu á Stoðtímar í hægri valreit. Gott er að prenta skjalið út og geyma með öðrum gögnum þar sem tímasetningar stoðtíma breytast frá einni viku til annarrar.

21.01.04

Lesefnispakki er tilbúin til sölu hjá Hákólafjölritun. Háskólafjölritun er á horni Suðurgötu og Fálkagötu (Kort).

20.01.04

Námsáætlun í fyrsta þriðjungi tilgreinir núna hvenær kennsla hvers efnisþáttar byrjar. Vinsamlega prentaðu þér nýtt eintak af áætluninni.

14.01.04

Velkomin til starfa á vormisseri 2004. Fyrsti tími verður fimmtudaginn 15. janúar nk. kl. 8:00 í sal H-1 í Háskólabíói.

Þetta vefsvæði námskeiðsins hefur verið uppfært með nýjum námskeiðslýsingum auk þess sem Spurt og svarað hefur verið uppfært.

10.12.03

Aðferðafræði II verður kennt á vormisseri 2004 með svipuðum hætti og áður. Á þessu vefsvæði eru upplýsingar um námskeiðið eins og það var kennt vorið 2003. Ef þú vilt kynna þér fyrirkomulag námskeiðsins ættu núverandi upplýsingar að gefa þér glöggar upplýsingar um námskeiðið. Eftir sem áður geta orðið breytingar á fyrirkomulag við upphaf kennslumisseris.


Valid HTML 4.01! Valid CSS!